Rusiya Maliyyə Nazirliyi fevralın 18-də iki federal kredit (OFZ) istiqrazlarının yerləşdirilməsi üçün hərrac keçirəcəyini açıqlayıb.
Nazirliyin məlumatına görə, 15 may 2041-ci il tarixinədək müddəti olan 26238 nömrəli buraxılış və 10 iyun 2037-ci il tarixinədək müddəti olan 26250 nömrəli buraxılış üzrə sabit gəlirli OFZ istiqrazları investorlara təklif ediləcək. Bildirilib ki, istiqrazlar hər iki buraxılış üzrə mövcud qalıq həcm çərçivəsində satışa çıxarılacaq.
Hərraclarda iştirak etmək istəyənlər təkliflərini Moskva Birjası və ya Sankt-Peterburq Valyuta Birjası vasitəsilə təqdim edə bilərlər.
Qeyd olunub ki, hərraclar üzrə həyata keçirilən əməliyyatların hesablaşmaları növbəti iş günü icra olunacaq.
İzmedia.az
