New York Mercantile Exchange və COMEX birjalarında qiymətli metallar – platin, palladium, qızıl və gümüş üzrə fyuçers müqavilələrinin qiymətləri səhər saatlarında baş verən enişdən sonra 4,3%-ə qədər artım göstərib.
Moskva vaxtı ilə saat 08:35-ə olan məlumata görə, NYMEX-də 2026-cı ilin iyun ayı üzrə palladium fyuçerslərinin qiyməti troy unsiyası üçün 1416 dollar (+4,29%) təşkil edib. 2026-cı ilin aprel ayı üzrə platin fyuçersləri isə 2,34% artaraq troy unsiyası üçün 1882 dollara yüksəlib.
Eyni zamanda, COMEX birjasında 2026-cı ilin aprel ayı üzrə qızıl fyuçerslərinin qiyməti troy unsiyası üçün 4460,6 dollar (+1,93%), 2026-cı ilin may ayı üzrə gümüş fyuçersləri isə troy unsiyası üçün 70,285 dollar (+3,46%) səviyyəsində ticarət olunub.
Qeyd edək ki, daha əvvəl NYMEX və COMEX birjalarında qiymətli metalların fyuçers qiymətlərinin 7%-ə qədər azaldığı bildirilmişdi.
İzmedia.az
