BBC News xəbər verir ki, İndoneziyanın Cakarta hava limanında baqajında təxminən 70.000 ekstazi həbini qaçaqmalçılıq yolu ilə ölkəyə keçirməyə çalışan Malayziya aviaşirkətinin pilotu həbs edilib.
Yayımlanan müşahidə kamerası görüntülərində hüquq-mühafizə orqanlarının əməkdaşlarının gümüşü çamadandan bir neçə iri narkotik paketini çıxardığı aydın görünür. Qadağan olunmuş maddələrin ümumi çəkisi təxminən 26 kiloqram təşkil edib.
İndoneziya hakimiyyət orqanlarının məlumatına görə, saxlanılan 39 yaşlı Malayziya vətəndaşı olan pilot bu daşıma müqabilində təxminən 9 min funt sterlinq məbləğində pul aldığını etiraf edib. Hüquq-mühafizə orqanları həmçinin bildirib ki, həmin şəxs həbs olunduğu an qadağan olunmuş maddələrin təsiri altında olub.
İzmedia.az
