Reuters agentliyinin məlumatına görə, İranda təcili tibbi yardıma ehtiyac artmaqda davam edir, lakin tibbi ləvazimatlar azalır və müharibə davam edərsə, ehtiyatların tükənmə riski mövcuddur.
Qırmızı Xaç və Qızıl Aypara rəsmisi Maria Martinez bildirib ki, İranda tibbi yardıma olan ehtiyac sürətlə artır: “Bizim narahatlığımız humanitar ehtiyacların nə qədər sürətlə artması və ölkənin göstərilən dəstəyi təmin etmək qabiliyyətimizdir. Ehtiyaclar eksponensial olaraq artır. Resurslar sonsuz deyil”.
O qeyd edib ki, hazırda təcili tibbi ləvazimat çatışmazlığı yoxdur, lakin hərbi əməliyyatlar davam edərsə, xüsusilə qiymət artımı və maliyyə çatışmazlığı fonunda vəziyyət pisləşə bilər.
Hesabatda bildirilir ki, martın 31-də İranın Zəncan əyalətində bir tibb klinikası zərbəyə məruz qalıb. Martinez əlavə edib ki, müharibə davam edərsə, travma dəstləri və digər tibbi avadanlıqların tükənməsi ehtimalı var.
Məlumata görə, 31 regionda təxminən 100 min xilasedici işçi, eləcə də helikopterlər və xilasetmə itləri yaralılara ilkin tibbi yardım göstərir və köçkünlərə dəstək verir.
Agentliyin yaydığı digər məlumata əsasən, Yaxın Şərqdə müharibənin 28 fevralda başlamasından bu yana İranda 1900-dən çox insan həlak olub, 21 mindən çox insan yaralanıb.
İzmedia.az
