Avstraliya ABŞ-ni əsas strateji tərəfdaşı hesab etməyə davam etsə də, Vaşinqtonun artan gözlənilməzliyi fonunda xarici siyasət əlaqələrinin şaxələndirilməsi istiqamətində səylərini gücləndirir.
İzmedia.az xəbər verir ki, bu barədə ölkənin xarici işlər naziri Penni Vonq bildirib.
“ABŞ bizim ən vacib strateji tərəfdaşımız olaraq qalır. Bilirik ki, Donald Tramp Amerikanın dünyada çox fərqli bir rol oynayacağını düşünür. Həmçinin bilirik ki, bu, daha gözlənilməz bir ABŞ-dır. Buna görə də ABŞ ilə işləməyə davam edirik. Eyni zamanda münasibətlərimizi şaxələndirmək üçün ciddi səylər göstərmişik”, – deyə o qeyd edib.
Vonq vurğulayıb ki, son illərdə Kanberra Cənub-Şərqi Asiya və Sakit Okean ölkələri ilə əlaqələrini ardıcıl şəkildə gücləndirir. Bununla yanaşı, Yaponiya, Avropa İttifaqı və Kanada ilə münasibətlərin inkişaf etdirilməsi hesabına beynəlxalq tərəfdaşlar şəbəkəsi genişləndirilir.
Nazir əlavə edib ki, tərəfdaşlıqların şaxələndirilməsi “Avstraliyanın daha gözlənilməz bir dünyada öz yerini təmin etməsi” üçün zəruridir.
İzmedia.az
