CNN-in məlumatına görə, ABŞ dövlət katibi Marko Rubio çərşənbə axşamı İsrail və Livan arasında keçiriləcək birbaşa danışıqlarda iştirak edəcək.
Telekanalın bildirdiyinə əsasən, Vaşinqtonda baş tutacaq görüşdə ABŞ-ın Livandakı səfiri Mişel İssa və Dövlət Departamentinin müşaviri Maykl Nidhem də iştirak edəcəklər. Qeyd olunur ki, İsrail və Livan nümayəndə heyətlərinə onların səfirləri rəhbərlik edəcək.
İsrailin Baş naziri Binyamin Netanyahu daha əvvəl Livanla “Hizbullah” şiə hərəkatının tərksilah edilməsi və münaqişənin mümkün qədər tez həlli məqsədilə birbaşa danışıqlara başlanılması barədə göstəriş verdiyini açıqlamışdı.
İzmedia.az
