Financial Times qəzetinin mənbələrə istinadən yaydığı məlumata görə, Ceff Bezosun süni intellekt laboratoriyası yeni maliyyələşdirmə mərhələsində 10 milyard dollar cəlb etməyə yaxındır və “Prometheus” adlı yeni startapın dəyəri 38 milyard dollar olaraq qiymətləndirilir.
Kapitalın cəlb edilməsi süni intellekt şirkətlərinə investor marağının artdığı dövrə təsadüf edir. Eyni zamanda, bu texnologiyanın bir çox sahədə biznes modellərini dəyişdirdiyi qeyd olunur. “Financial Times” yazır ki, JP Morgan və BlackRock investorlar arasında yer alır və maliyyələşdirmə prosesinin yaxın zamanda başa çatacağı gözlənilir, lakin hələ yekunlaşmayıb.
Məlumata görə, startap kompüterlər, avtomobillər və kosmik gəmilərin layihələndirilməsi və istehsalı üçün süni intellekt həllərinə fokuslanıb. Hesabatda bildirilir ki, Amazon-un təsisçisi Ceff Bezos layihənin ilkin investorları arasındadır və həmsədr Vikram Bajaj ilə birlikdə kapital cəlbi prosesinə rəhbərlik edir.
İzmedia.az
