The Washington Post qəzetinin məlumatına görə, ABŞ administrasiyası şənbə günü Vaşinqtonda atışmanın baş verdiyi yüksək səviyyəli tədbirdə lazımi təhlükəsizlik təmin edə bilməyib.
Qəzet planla tanış olan rəsmilərə istinadən yazır ki, ABŞ administrasiyası Ağ Ev Müxbirləri Assosiasiyasının şam yeməyi üçün yüksək vəzifəli məmurların digər tədbirlərinə nisbətən daha aşağı səviyyəli təhlükəsizlik tədbirləri görüb.
Rəsmilər qeyd ediblər ki, yüksək vəzifəli liderlərin bir məkanda toplanması ölkəni “qeyri-adi dərəcədə həssas vəziyyətə” salıb.
Tədbirdə Donald Tramp, Melaniya Tramp, J.D. Vens, Marko Rubio, Skott Bessent, Pit Heqset və Keş Patel daxil olmaqla bir sıra yüksək vəzifəli şəxslər iştirak ediblər.
Şənbə günü həmin tədbir zamanı atışma baş verib. Nəticədə ABŞ Məxfi Xidməti agenti yaralanıb. Atıcı saxlanılıb və onun 31 yaşlı Koul Tomas Allen olduğu müəyyən edilib.
İzmedia.az
