Politico qəzetinin bir məmura istinadən yaydığı məlumata görə, Keş Patel tezliklə Federal Təhqiqat Bürosu (FTB)ndakı vəzifəsini tərk edə bilər.
Mənbənin sözlərinə görə, “bu, sadəcə zaman məsələsidir”. Bildirilir ki, mümkün istefanın və ya vəzifədən uzaqlaşdırılmanın əsas səbəblərindən biri Patellə bağlı yayılan çoxsaylı mənfi xəbərlərdir.
Rəsmiyə görə, bu cür məlumatlar onun rəhbər imicinə mənfi təsir göstərir və Donald Tramp administrasiyası FTB rəhbəri ətrafındakı qalmaqalların yaratdığı diqqət yayındırmasından narahatdır.
FTB isə məsələ ilə bağlı şərh verməkdən imtina edib.
Bununla belə, Ağ Evin mətbuat katibi Kerolayn Livitt daha əvvəl bildirib ki, Tramp Patellə bağlı mediada yayılan iddialara baxmayaraq ona etibar etməyə davam edir. O, həmçinin qeyd edib ki, Patel də daxil olmaqla komandanın fəaliyyəti nəticəsində ABŞ tarixində son 125 ilin ən aşağı qətl göstəricilərindən biri qeydə alınıb.
İzmedia.az
