Ürək sağlamlığının qorunması əsasən düzgün qidalanmadan asılı olsa da, gündəlik vərdişlər də mühüm rol oynayır. Mütəxəssislər bildirirlər ki, ilk baxışda zərərsiz görünən bəzi rutinlər zamanla hipertoniya və ürək-damar xəstəlikləri riskini artıra bilər.
Qəhvəyə həddindən artıq şəkər və tatlandırıcı əlavə edilməsi
Kardioloq Dr. Nik Vest qeyd edir ki, qəhvənin özündən çox ona əlavə edilən şəkər və tatlandırıcılar problem yaradır. Onun sözlərinə görə, yüksək şəkər qəbulu koronar ürək xəstəliyi və insult riskini artıra bilər. Süni tatlandırıcılar da təhlükəsiz alternativ sayılmır və oxşar risklər daşıya bilər.
Həddindən artıq duz (natrium) qəbulu
Emal olunmuş və qablaşdırılmış qidalarda çoxlu miqdarda natrium olur. Kardioloq Dr. Maykl Ross Makdonald bildirir ki, bu vəziyyət qan təzyiqini yüksəldərək ürəyə əlavə yük yaradır və uzunmüddətli ürək problemlərinə yol aça bilər.
Rafinə olunmuş karbohidratlar və şəkərli içkilər
Ağ çörək, makaron və qazlı içkilər kimi rafinə olunmuş karbohidratlar qan şəkərini sürətlə yüksəldir. Bu isə çəki artımı, diabet və ürək xəstəlikləri riskinin artması ilə nəticələnə bilər.
Mütəxəssislər ümumilikdə bildirirlər ki, bu qidalanma səhvlərindən uzaq durmaq ürək sağlamlığını qorumağın ən sadə yollarından biridir.
İzmedia.az
