İzmedia.az xəbər verir ki, Vaşinqtonda, Ağ Evin yaxınlığında silah səslərinin eşidilməsi təhlükəsizlik qüvvələrinin qısa müddətlik həyəcan vəziyyətinə keçməsinə səbəb olub.
Hadisə Ağ Evin yaxınlığında, Müstəqillik prospekti ilə 15-ci küçənin kəsişməsi ətrafında qeydə alınıb. Əraziyə dərhal ABŞ Gizli Xidməti cəlb olunub və təhlükəsizlik tədbirləri gücləndirilib.
Rəsmi açıqlama verilməsə də, Ağ Evin bağçasında olan jurnalistlərin brifinq otağına yönləndirildiyi bildirilir. Daha sonra vəziyyətin nəzarət altına alındığı və hər hansı ciddi təhlükənin olmadığı açıqlanıb.
ABŞ Gizli Xidməti “X” sosial şəbəkəsində yayımladığı məlumatda bildirib ki, hadisəyə polis əməkdaşının iştirakı ilə baş verən atışma çərçivəsində reaksiya verilib. Bildirilib ki, bir nəfər hüquq-mühafizə orqanları tərəfindən güllələnib, lakin həmin şəxsin vəziyyəti barədə hələlik məlumat yoxdur.
