Nəşr bildirir ki, İsrail ordusu 2024-cü ilin sonlarında bu bazaların tikintisinə hazırlıq işlərinə başlayıb və gələcək mümkün münaqişələr zamanı istifadə üçün ucqar əraziləri seçib.
İraq rəsmiləri qəzetə ikinci bazanın mövcudluğunu təsdiqləsələr də, onun dəqiq yerini açıqlamayıblar. Yalnız bildirilib ki, obyekt ölkənin qərb səhra bölgəsində yerləşir.
Məqalədə qeyd olunur ki, sözügedən baza İsrail və İran arasında mümkün münaqişədən əvvəl yaradılıb, İsrail Hərbi Hava Qüvvələri üçün logistika mərkəzi rolunu oynayıb və ABŞ-ın məlumatı çərçivəsində fəaliyyət göstərib.
Həmçinin iddia edilir ki, İsrail ordusu mart ayında bazanın yerləşdiyi ərazini müəyyən etməyə yaxınlaşan İraq qüvvələrinə qarşı hava zərbələri endirib.
Nəşr yazır ki, Vaşinqtonun 2025-ci ilin iyun ayından, hətta daha əvvəl ən azı bir bazanın mövcudluğu barədə məlumatlı olduğu ehtimal edilir. Məqalədə bunun Bağdadın strateji tərəfdaşından müəyyən məlumatların gizlədilməsi anlamına gələ biləcəyi vurğulanır.
Məqalədə qeyd olunur ki, İsrail və İraq arasında diplomatik münasibətlərin olmaması fonunda bu vəziyyət “İraqın suverenliyinə açıq hörmətsizlik” kimi qiymətləndirilə bilər.
İraq hökuməti indiyədək bu bazaların mövcudluğunu rəsmi şəkildə nə təsdiqləyib, nə də təkzib edib. İsrail ordusu isə jurnalistlərin sorğularına baxmayaraq məsələ ilə bağlı şərh verməkdən imtina edib.
İzmedia.az
