ABŞ Mərkəzi Komandanlığı (CENTCOM) sosial media hesabında bildirib ki, ABŞ dəniz piyadaları Oman körfəzində “Celestial Sea” adlı neft tankerinə eniş həyata keçirib.
Bəyanata görə, 31-ci Ekspedisiya Qüvvələrinin dəniz piyadaları İran bayrağı altında üzən ticarət gəmisinə daxil olublar. Gəmi yoxlanıldıqdan sonra sərbəst buraxılıb, lakin heyətə kursun dəyişdirilməsi barədə göstəriş verilib.
CENTCOM-un məlumatına əsasən, ABŞ-ın dəniz əməliyyatlarının başladığı iddia edilən dövrdən bu yana bir aydan çox müddətdə 91 ticarət gəmisi istiqamətini dəyişib.
Amerika tərəfi bildirir ki, əməliyyat aprelin 13-dən etibarən başlayıb və İran limanlarına gedən və ya həmin limanlardan çıxan gəmilərin hərəkətini məhdudlaşdırmağı hədəfləyir.
İranın BMT-dəki daimi nümayəndəsi Əmir Səid İrəvani isə daha əvvəl ABŞ-ın bu cür hərəkətlərini, gəmilərin ələ keçirilməsini və heyət üzvlərinin saxlanılmasını “piratçılıq və terrorizm” kimi qiymətləndirmişdi.
İzmedia.az
