Hollandiyanın milli aviadaşıyıcısı KLM Royal Dutch Airlines bazar günündən etibarən növbəti xəbərdarlığa qədər Təl-Əvivə uçuşları dayandıracağını açıqlayıb.
İzmedia.az-ın məlumatına görə, şirkət qərarın əməliyyat və kommersiya səbəbləri ilə verildiyini bildirib.
Şirkətin sözçüsü qeyd edib ki, KLM qlobal marşrut şəbəkəsini bazar tələbinə və əməliyyat şəraitinə uyğunlaşdırır və hazırkı şəraitdə Təl-Əviv istiqamətində uçuşların həyata keçirilməsi kommersiya və əməliyyat baxımından mümkün deyil.
Qərarla aviaşirkət İsrailin əsas beynəlxalq hava limanı olan Ben Gurion Airportna uçuşları dayandırmış olur.
KLM yanvar ayında bəzi Yaxın Şərq ölkələri üzərindən uçuşları təhlükəli hesab etdikdən sonra Təl-Əviv reyslərini müvəqqəti olaraq dayandırmışdı. Təhlükəsizlik faktorunun son qərarda rol oynayıb-oynamadığı ilə bağlı suala isə şirkət şərh verməyib.
İzmedia.az
