ABŞ Prezidenti Donald Tramp bildirib ki, onun administrasiyası ölkədəki hərbi əməliyyatlar başa çatdıqdan sonra İrana rəhbərlik edə biləcək bir neçə mümkün namizədi nəzərdən keçirir.
O, NBC News telekanalına müsahibəsində deyib:
“Biz onların yaxşı bir liderinin olmasını istəyirik. Düşünürəm ki, yaxşı iş görə biləcək bəzi insanlarımız var”.
Tramp mümkün namizədlərin adlarını açıqlamaqdan imtina edib.
ABŞ prezidentinin sözlərinə görə, Vaşinqton hərbi əməliyyatlar zamanı həmin şəxslərin təhlükəsizliyini qorumaq üçün tədbirlər görür.
“Bəli, biz onları izləyirik”, – deyə o bildirib.
Tramp əlavə edib ki, ABŞ-nin məqsədi vəziyyəti tez bir zamanda sabitləşdirməkdir.
“Biz içəri girib hər şeyi təmizləmək istəyirik. Biz 10 il ərzində yenidən quracaq birini istəmirik”, – deyə o vurğulayıb.
İzmedia.az
