Vaşinqton bəzi ölkələrə qarşı tətbiq edilən neft sanksiyalarını müvəqqəti olaraq ləğv edə bilər və hətta gələcəkdə onları yenidən tətbiq etməmək ehtimalı da var.
İzmedia.az xəbər verir ki, bunu ABŞ prezidenti Donald Tramp deyib.
ABŞ lideri bu barədə Doral şəhərində yerləşən malikanəsində jurnalistlərə açıqlamasında danışıb.
“Bu problem həll olunana qədər sanksiyaları aradan qaldıracağıq. Sonra isə kim bilir, bəlkə də onları yenidən tətbiq etməyə ehtiyac qalmayacaq”, – deyə Tramp bildirib.
O əlavə edib ki, ABŞ-nin İrana qarşı hərbi əməliyyatlara başlaması qlobal neft bazarına təsir edə bilərdi, lakin qiymətlər gözlənildiyindən daha az artıb.
“Bilirdim ki, bunu etsəm – yəni ABŞ İrana qarşı əməliyyata başlasa – neft qiymətləri qalxacaq və onlar, yəqin ki, düşündüyümdən daha az artıb”, – deyə ABŞ prezidenti qeyd edib.
Bundan əvvəl Kirill Dmitriev – Rusiya prezidentinin xarici ölkələrlə investisiya və iqtisadi əməkdaşlıq üzrə xüsusi nümayəndəsi və Russian Direct Investment Fund (RDIF) baş direktoru – Moskvanın Vaşinqtonla Rusiya neftinə qarşı tətbiq edilən sanksiyaların yumşaldılması imkanlarını müzakirə etdiyini bildirmişdi.
İzmedia.az
