Avstraliyanın infrastruktur və nəqliyyat naziri Ketrin Kinq bildirib ki, ölkə Hörmüz boğazında təhlükəsiz naviqasiyanı təmin etmək üçün bölgəyə hərbi gəmilər göndərməyi planlaşdırmır.
İzmedia.az xəbər verir ki, Nazir ABC News telekanalına müsahibəsində qeyd edib ki, Avstraliya müdafiəyə dəstək məqsədilə Birləşmiş Ərəb Əmirliklərinə təyyarələr təqdim edəcək. Bununla yanaşı o vurğulayıb ki, “biz Hörmüz boğazına gəmi göndərməyəcəyik”.
Kinq əlavə edib ki, bu məsələ ilə bağlı Avstraliyadan belə bir addım atmaq xahiş olunmayıb və ölkə bu təşəbbüsə töhfə vermir.
Bundan əvvəl ABŞ prezidenti Donald Tramp Hörmüz boğazından neft alan ölkələrin həmin ərazidə naviqasiya təhlükəsizliyinin təmin olunmasında iştirak etməli olduqlarını bildirmişdi. O, bu kontekstdə Böyük Britaniya, Çin, Cənubi Koreya, Fransa və Yaponiyanı qeyd etmişdi.
Martın 2-də İslam İnqilabı Keşikçiləri Korpusunun general-mayoru İbrahim Cabari dünya neft ixracının təxminən beşdə birinin keçdiyi Hörmüz boğazının İsrail və ABŞ-ın İrana qarşı mümkün hərbi əməliyyatları səbəbindən gəmiçilik üçün bağlana biləcəyi barədə xəbərdarlıq etmişdi.
Martın 5-də isə İranın xarici işlər naziri Abbas Əraqçi boğazın bağlanmadığını, lakin gəmilər və neft tankerlərinin hər iki tərəfdən mümkün hücumlardan ehtiyat edərək oradan keçməyə cəhd etmədiyini bildirib.
İzmedia.az
