Bəhreyn və Küveytin hava məkanları ən azı 12 saat müddətinə bağlı saxlanacaq.
İZmedia.az xəbər verir ki, bu barədə TASS-a Yaxın Şərq hava hərəkətinin idarə edilməsi xidmətindəki mənbə məlumat verib.
Məlumata görə, aviasiya hakimiyyətləri hava məkanının bağlanmasını UTC ilə saat 16:00-a (Moskva vaxtı ilə 19:00) qədər uzadıb. Bu ölkələr üzərindən mülki aviasiya uçuşları ardıcıl 24-cü gündür dayandırılır və üçüncü ölkələrə tranzit uçuşlar da həyata keçirilmir.
Eyni zamanda, Bəhreyn xüsusi icazələr əsasında qonşu Səudiyyə Ərəbistanına ən qısa dəhliz vasitəsilə Manama hava limanından müəyyən uçuşlara icazə verir.
Regionda digər ölkələrin hava məkanlarına gəldikdə isə, İran və İraq hava məkanları tam bağlıdır, Qətər gündə bir neçə saat uçuşlara icazə verir, BƏƏ və Suriyanın hava məkanları qismən açıqdır. İsraildə isə uçuşlar vaxtaşırı dayandırılır.
İzmedia.az
