Əlaəddin Burucerdi bildirib ki, İran Hörmüz boğazının təhlükəsizliyini təmin etmək məqsədilə gəmilərdən tranzit haqlarının toplanması üçün dörd valyutada xüsusi hesablar açıb.
ILNA agentliyinin yaydığı məlumata görə, Burucerdi deyib: “İran Mərkəzi Bankı İran rialı, yuan, dollar və avro ilə dörd xüsusi hesab açıb. Dərc olunmuş qaydalara əsasən, İslam İnqilabı Keşikçiləri Korpusu donanması tərəfindən toplanan rüsumlar bu hesablara köçürüləcək”.
Onun sözlərinə görə, proqram İslam Respublikası Məclisi fəaliyyətini bərpa etdikdən dərhal sonra qəbul edilib.
İzmedia.az
