Ukrayna Prezidenti Volodimir Zelenski bildirib ki, ölkə silahlı qüvvələrinin ehtiyacından artıq istehsal etdiyi silahları ixrac etməyə hazırlaşır.
Zelenski axşam çıxışında qeyd edib ki, bəzi istehsal sahələrində hazırda 50 faizə qədər artıq istehsal gücü mövcuddur.
“Ukrayna silahlarının ixracı reallığa çevriləcək. Ukrayna ordusu həmişə prioritet olacaq və kifayət qədər təchizat hüququna malikdir. Ordunun ehtiyacı olan hər şey təmin ediləcək, artıq qalan məhsul isə ixraca yönləndiriləcək”, – deyə o bildirib.
Prezidentin sözlərinə görə, Ukrayna artıq Yaxın Şərq, Avropa və Qafqaz ölkələri ilə “dron müqavilələri” kimi tanınan xüsusi əməkdaşlıq formatı çərçivəsində əməkdaşlıq edir.
İzmedia.az
