Rusiya baş nazirinin müavini Aleksandr Novak jurnalistlərə bildirib ki, qlobal neft bazarı dərin böhran yaşayır və bazara böyük həcmdə neft daxil olmur.
Onun sözlərinə görə, “sənayedə dərin böhranın davam etdiyini görürük. Bu gün bazara külli miqdarda neft daxil olmur. Tələb təklifi xeyli üstələyir. Əlbəttə ki, ciddi logistika çətinlikləri və Yaxın Şərqdəki vəziyyət səbəbindən disbalans müşahidə olunur”.
Novak qeyd edib ki, bu vəziyyət bazara mənfi təsir göstərir: “Lakin ümumilikdə hesab edirik ki, bu, neft sənayesi üçün də müsbət amil deyil, çünki istehlakçılar yüksək qiymətlər səbəbindən alternativ mənbələr axtarmağa məcburdurlar”.
O, bazarın həm istehlakçılar, həm də istehsalçılar üçün daha balanslı və uzunmüddətli olmasının vacibliyini vurğulayıb.
ABŞ və İsrailin 28 fevralda İrana qarşı müharibəyə başladığı bildirilib.
Qafqaz İnvestisiya Forumu 28–30 aprel tarixlərində Stavropol diyarındakı MinvodyExpo Beynəlxalq Sərgi Mərkəzində keçirilir.
Forum Rusiya hökuməti, İqtisadi İnkişaf Nazirliyi və Stavropol diyarı hökumətinin dəstəyi ilə Roskongress Fondu tərəfindən təşkil olunur. TASS forumun media tərəfdaşıdır.
İzmedia.az
