Ağdam rayonunda ölümlə nəticələnən ağır yol-nəqliyyat hadisəsi baş verib.
izmedia.az“Qafqazinfo” ya istinadən xəbər verir ki, qəza işğaldan azad edilmiş Xıdırlı kənd ərazisində qeydə alınıb.
Məlumata görə , hərəkətdə olan “VAZ 2107” markalı avtomobil qarşıdan gələn “Opel” markalı nəqliyyat vasitəsi ilə toqquşub. Qəza nəticəsində 2 nəfər hadisə yerində həyatını itirib, 4 nəfər isə ağır xəsarət alıb.
Hadisə yerinə dərhal təcili tibbi yardım briqadalarının iki avtomobili cəlb olunub.
Qəza zamanı “VAZ-2107 ” markalı avtomobilin sürücüsü Cəsarət Hacıyev və sərnişin Kərimov Surxay ölüb.Xəsarət alanlar isə “Opel” sürücüsü Süleymanov Yunis, Səfərli Elmir , Məmmədova Alimə müxtəlif dərəcəli xəsarət alaraq Bərdə Diaqnostika Mərkəzinə çatdırılıb.
