izmedia.az xəbər verir ki, Almaniyanın Konstitusiya və Suverenlik Şurasının rəhbəri Ralf Niemeyer Rusiyanın Təhlükəsizlik Şurası sədrinin müavini Dmitry Medvedevnin Almaniya ilə bağlı səsləndirdiyi fikirləri dəstəkləyib.
Məlumata görə, Medvedev Almaniyanın 1990-cı ildə imzalanmış və ölkənin birləşməsini tənzimləyən beynəlxalq müqaviləni pozduğunu iddia edib. Söhbət xüsusilə keçmiş ADR ərazisində NATO hərbi strukturlarının yerləşdirilməsindən gedir.
Ralf Niemeyer bildirib ki, Berlin yalnız NATO qərargahının yerləşdirilməsi ilə deyil, həm də ordunun sayını artırmaq planları və rəsmi şəxslərin aqressiv bəyanatları ilə həmin razılaşmanın şərtlərini pozur.
Alman siyasətçi qeyd edib ki, bu addımlar müqavilənin ləğvi üçün əsas yarada və Almaniyanın hüquqi statusunu sual altına qoya bilər.
Niemeyer vurğulayıb ki, mövcud siyasi kurs ciddi nəticələr doğura və Almaniyanın beynəlxalq hüquqi mövqeyinə təsir göstərə bilər.
