Kirill Dmitriev bildirib ki, Friedrich Merz siyasi uğur qazanmaq istəyirsə, onun tövsiyələrini davam etdirməlidir.
Buna səbəb Almaniya hökumətinin suriyalı qaçqınların ölkələrinə geri qayıtması üçün ödənilən kompensasiyanı artırmağı müzakirə etməsi olub. Almaniya mediasının məlumatına görə, geri dönməyə razı olan miqrantlara 8 min avroya qədər ödəniş edilə bilər.
Dmitriyev sosial şəbəkədə paylaşım edərək qeyd edib ki, bu addım onun ötən ilin noyabrında verdiyi məsləhətlərin həyata keçirilməsi kimi görünür. O bildirib ki, hər qaçqına 10 min avro ödənilməsi belə Avropa İttifaqı və Böyük Britaniyanın miqrasiya proqramlarına ayırdığı illik xərclərin yalnız yarısına bərabərdir.
Rusiya rəsmisi əlavə edib ki, Almaniya rəhbərliyi enerji və beynəlxalq münaqişələrin sülh yolu ilə həlli məsələlərində də oxşar yanaşmadan istifadə etsə, daha müsbət nəticələr əldə edə bilər.
Dmitriyev həmçinin kansler Mertsin gələcəkdə siyasi uğur qazanmaq şansının yüksək olduğunu bildirib.
