ABŞ Mərkəzi Komandanlığı (CENTCOM) iyunun 3-də bildirib ki, ABŞ ordusu İranın Qeşm adasına zərbələr endirib, eyni zamanda bir neçə İran raketi və pilotsuz uçuş aparatını zərərsizləşdirib.
CENTCOM-un X sosial şəbəkəsində paylaşdığı məlumatda qeyd olunub:
“ABŞ qüvvələri iyunun 2-də bir neçə İran ballistik raketini və pilotsuz uçuş aparatını uğurla ələ keçirib, həmçinin İranın Yaxın Şərqdəki təcavüzkar fəaliyyətlərinə cavab olaraq Qeşm adasına özünümüdafiə məqsədli zərbələr endirib”.
Məlumata görə, İran qonşu regionlara bir neçə ballistik raket buraxıb. Lakin onların hamısı hava hücumundan müdafiə sistemləri tərəfindən zərərsizləşdirilib.
Bildirilir ki, İranın Küveyt istiqamətində atdığı iki raket havada parçalanaraq hədəfə çatmayıb. Bəhreynə doğru buraxılan üç raket isə ABŞ və Bəhreynin birgə hava hücumundan müdafiə qüvvələri tərəfindən vurulub.
CENTCOM-un açıqlamasında həmçinin qeyd olunur ki, ABŞ qüvvələri regional sularda qanuni fəaliyyət göstərən mülki dənizçilərə qarşı yönəldilmiş üç kamikadze pilotsuz uçuş aparatını da məhv edib.
Komandanlığın məlumatına əsasən, əməliyyatlar zamanı ABŞ hərbi qulluqçuları arasında xəsarət alan olmayıb.
İzmedia.az
