Açıq havada keçirilən tədbir və şənlik mövsümünün aktiv olduğu bir vaxtda, rahat və zərif geyimlərə maraq artır. Bu yay diqqət çəkən dəb nümunələrindən biri isə Zara-nın saçaqlı ətəyi olub.
Sosial şəbəkələrdə sürətlə yayılan model dizayner üslubunu xatırladan tikmə və saçaq detalları ilə seçilir. Dizədək uzunluqda olan ətək çiçək naxışları və boho tərzi ilə fərqlənir.
Moda mütəxəssisləri bildirirlər ki, bu cür ətəklər daha çox sadə ağ köynək və bluzlarla kombin edilir ki, əsas diqqət geyimin özündə qalsın.
Mütəxəssislərin fikrincə, saçaq detalı bu yay mövsümünün əsas trendlərindən birinə çevrilə bilər və modelə olan yüksək maraq onun qısa müddətdə tükənməsinə səbəb ola bilər.
İzmedia.az
