ABŞ prezidenti Donald Tramp iddia edir ki, Venesuelaya əslində ABŞ-ın energetika naziri Kris Rayt rəhbərlik edir.
“O, Venesuelanı idarə edir”, – deyə Amerika lideri Vaşinqtonda keçirilən tədbirdə ABŞ Energetika Nazirliyinin rəhbərini iştirak edənlərə təqdim edərkən bildirib.
“Venesuela ilə əla münasibətlərimiz var. Venesuela xalqı hazırda çox xoşbəxtdir”, – deyə Amerika lideri bildirib. “Dünyanın ən böyük neft şirkətləri gəlir və hamının qeyri-mümkün hesab etdiyi bizneslə məşğul olurlar. Və biz bunun bir hissəsini götürürük və biz buna layiqik. Və onlar da bunun bir hissəsini götürürlər. Venesuela hazırda əvvəlkindən daha çox pul qazanır. Və biz də çox pul qazanırıq. Düşünürəm ki, buna haqqımız var”, – deyə Tramp əlavə edib.
3 yanvarda ABŞ Venesuelada mülki və hərbi hədəflərə hücum edərək Prezident Nikolas Maduro və həyat yoldaşı Siliya Floresi əsir götürüb deportasiya etdi. 5 yanvarda onlar Nyu-Yorkun Cənub Dairəsi üzrə federal məhkəmədə çıxış etdilər. Onlar narkotik qaçaqmalçılığında ittiham olunurlar. Maduro və həyat yoldaşı günahsız olduqlarını bildiriblər. Maduro dövründə icraçı vitse-prezident vəzifəsində çalışmış Delsi Rodriges Venesuelada dövlət başçısı vəzifəsini icra edir.
İzmedia.az
