ABŞ Prezidenti Donald Tramp “Truth Social” sosial şəbəkəsindəki rəsmi hesabında Amerika Birləşmiş Ştatları prezidentlərinin şəxsi reytinq cədvəlini əks etdirən vizual paylaşım edib. Tramp tərtib etdiyi reytinqdə özünü ölkə tarixinin “Ən Böyük” (The Greatest) lideri kimi ayrıca birinci pillədə yerləşdirib.
Sözügedən grafik “LIFE” jurnalının 1948-ci ildə tarixçilər arasında keçirdiyi sorğu əsasında hazırladığı klassik siyahının dəyişdirilmiş variantıdır. Tramp həmin cədvəli saxlayaraq son dövrün bəzi demokrat prezidentlərini “Uğursuzluqlar” kateqoriyasına əlavə edib və özünü zirvəyə qoyub. Siyahıda ümumilikdə 10-dan çox eks-prezidentin (o cümlədən Ronald Reyqan, Con Kennedi, Corc Buş kimi fiqurların) adı yer almayıb.
Siyahıdakı kateqoriyalar üzrə prezidentlərin bölgüsü:
-
Ən Böyük (The Greatest): Donald Tramp (təkbaşına bu kateqoriyadadır).
-
Böyük (Great): Avraam Linkoln, Corc Vaşinqton, Franklin D. Ruzvelt, Vudro Vilson, Tomas Cefferson və Endryu Cekson.
-
Demək olar ki, əla (Near Great): Teodor Ruzvelt, Qrover Klivlend, Con Adams və Ceyms K. Polk.
-
Orta (Average): Bill Klinton, Con Kuinsi Adams, Ceyms Monro, Raterford Heyz, Ceyms Medison, Martin Van Buren, Uilyam Hovard Taft, Çester A. Artur, Uilyam Mak-Kinli, Endryu Conson, Herbert Huver və Bencamin Harrison.
-
Orta səviyyədən aşağı (Below Average): Con Tayler, Kalvin Kulic, Millard Fillmor, Zakari Teylor, Ceyms Byukenen və Franklin Pirs.
-
Uğursuzluqlar (Failures): Co Bayden, Barak Obama, Yuliss S. Qrant, Uorren Hardinq və Cimmi Karter.
Trampın avqustun 27-də reallaşan bu paylaşımı sosial şəbəkələrdə və Qərb medasında növbəti geniş müzakirələrə səbəb olub.
İzmedia.az
