ABŞ Prezidenti Donald Tramp Nebraska ştatının Qrand Aylend şəhərində keçirilən seçkiqabağı mitinqində çıxışı zamanı İranla gedən hərbi münaqişə və ölkədəki qiymət artımları ilə bağlı qalmaqallı bəyanatlar verib. CBS telekanalının yayımladığı çıxışında Tramp müharibə səbəbindən artan iqtisadi xərcləri və mümkün şəhər itkilərini “qlobal təhlükəsizlik üçün ödəniləcək kiçik bir bədəl” adlandırıb.
Amerika lideri xüsusilə Qərb sahilindəki meqapolislərə toxunaraq bildirib:
“Bunun süni bir fenomen olduğunu unutmayın. Fərz edək ki, qiymətlər bir az yüksəkdir. Bu, dünyanı və ölkəmizi təhlükəsiz saxlamaq üçün ödəniləcək çox kiçik bir qiymətdir. Onlar bir şəhəri məhv edə bilərlər, qoy Los-Anceles və San-Dieqonu vurub sıradan çıxarsınlar. Bu, ödəniləsi çox kiçik bir bədəldir.”
ABŞ daxilində kəskin reaksiyalar:
-
Kaliforniya Qubernatoru Qevin Nyusom: Trampın açıqlamasını kəskin pisləyərək onu “ağlını itirmiş və təhlükəli” adlandırıb. Qubernator bildirib ki, prezident ölkəni qorumaq əvəzinə xarici düşmənlərə Amerika şəhərlərini hədəf göstərir.
-
Bələdiyyə sədrlərinin bəyanatı: Los-Anceles meriyası və San-Dieqo meri Todd Qloria şəhər sakinlərinin və infrastrukturların hərbi əməliyyatlar üçün “gözdən çıxarılan xərc” olmadığını vurgulayıblar.
İzmedia.az
