ABŞ Prezidenti Donald Tramp Ohayo ştatında keçirilən seçki kampaniyası mitinqində çıxış edərkən Rusiya-Ukrayna münaqişəsinin nizamlanması ilə bağlı növbəti bəyanatla çıxış edib. Ağ Ev rəhbəri Rusiya Prezidenti Vladimir Putin və Ukrayna Prezidenti Volodimir Zelenski arasındakı dərin şəxsi ədavət və nifrətin sülh danışıqlarının irəliləməsinə əsas maneələrdən biri olduğunu bildirib.
Tramp vurğulayıb ki, hər iki dövlət rəhbəri arasında güclü ziddiyyətlərin olmasına baxmayaraq, münaqişə tərəfləri əslində hərbi əməliyyatları dayandırmaqda maraqlıdırlar, lakin prosesdən çıxış yolunu tapmaqda çətinlik çəkirlər. Amerika prezidenti optimizmini qoruyaraq, Vaşinqtonun vasitəçiliyi ilə tərəflər arasında tezliklə razılığın əldə olunacağına və münaqişəyə son qoyacaq yekun həll yolunun tapılacağına inandığını ifadə edib.
İzmedia.az
