İsveçrədə dondurulmuş Rusiya maliyyə aktivlərinin məbləği 2026-cı ilin iyun ayına olan məlumata görə, 8,5 milyard İsveçrə frankına (təxminən 10,4 milyard dollar) yüksəlib. Bu barədə İsveçrənin İqtisadi İşlər üzrə Dövlət Katibliyinin (SECO) rəsmi nümayəndəsi Fabian Mayenfiş bildirib.
Maliyyə vəsaitləri ilə yanaşı, sanksiyalar çərçivəsində fiziki və hüquqi şəxslərə məxsus 14 daşınmaz əmlak, lüks avtomobillər, sənət əsərləri və musiqi alətləri də dondurulmuş vəziyyətdə qalır. Rusiya Mərkəzi Bankının İsveçrədə immobilizasiya olunmuş ehtiyatlarının həcmi isə 6,8 milyard İsveçrə frankı (8,3 milyard dollar) təşkil edib.
SECO nümayəndəsi dondurulmuş vəsaitlərin Ukraynanın bərpasına yönəldilməsi üzrə beynəlxalq müzakirələrin diqqətlə izlənildiyini, lakin Bern üçün istənilən qərarın beynəlxalq hüquqa və maliyyə sabitliyi prinsiplərinə uyğun olmasının vacibliyini vurğulayıb.
İzmedia.az
