Dövlət Aviasiya Muzeyinin aparıcı tədqiqatçısı, aviasiya üzrə ekspert Valeri Romanenko “UNIAN”a müsahibəsində Rusiyanın Oktyabrın 14-nə keçən gecə Ukraynaya endirdiyi genişmiqyaslı hava zərbələrinin hərbi-strateji məqsədlərini açıqlayıb. Ekspertin sözlərinə görə, Rusiya ordusunun müxtəlif istiqamətlərdən eyni vaxtda 39 ballistik raket atması intensiv ehtiyat toplanmasının göstəricisidir. Romanenko bildirib ki, Moskva gözlənilən “enerji atəşkəsi” razılaşmalarından əvvəl Ukrayna iqtisadiyyatında tam xaos təəssüratı yaratmaq və istilik mövsümü başlamazdan öncə kritik energetika obyektlərini maksimal dərəcədə sıradan çıxarmaq niyyəti güdür.
Ekspert həmçinin qeyd edib ki, hava hücumlarının zamanla uzadılması və mülki əhalini bütün gecə sığınacaqlarda saxlamaq taktikası şəhər infrastrukturunu və biznes fəaliyyətini iflic etməyə hesablanıb. Bryansk və Kursk vilayətlərində “Bastion” raket komplekslərinin toplanması xəbərlərinə toxunan Romanenko bildirib ki, Rusiyanın elan olunmuş 600-ə yaxın “Oniks” raketi ehtiyatı var və bu sistemlər yerüstü hədəflərə qarşı aşağı dəqiqliyə malik olsalar da, eyni zamanda hipsəsli “Sirkon” raketlərini buraxmaq imkanına malikdir. Bununla belə, ABŞ və Qərb tərəfdaşlarından ballistik raketlərin buraxılışına dair kəşfiyyat məlumatlarının axınında yaranan fasilələr Ukrayna HHM sisteminin vaxtında xəbərdarlıq imkanlarını ciddi şəkildə məhdudlaşdırır.
İzmedia.az
