Mütəxəssislər bildirirlər ki, bəzi qidaların soyuducuda saxlanılması onların dadına və keyfiyyətinə mənfi təsir göstərə bilər. BBC Good Food və həkim Chris Smith bu baxımdan üç məhsulu xüsusi qeyd edir.
Pomidor
Mütəxəssislərin fikrincə, pomidor soyuducuda saxlanıldıqda dadını itirir və teksturası dəyişir. Soyuq temperatur onu daha unlu və az şirəli edə bilər. Pomidorların otaq temperaturunda saxlanılması tövsiyə olunur.
Xiyar
Dr. Chris Smith bildirir ki, xiyar isti iqlimə uyğun məhsuldur və aşağı temperatur onun təbii yetişmə prosesini poza bilər. Bu isə dad və keyfiyyətin zəifləməsinə səbəb olur.
Soğan
Qəhvəyi, qırmızı və ağ soğanların sərin, quru və qaranlıq yerdə saxlanılması daha məqsədəuyğundur. Belə şəraitdə onlar iki aya qədər təzə qala bilər. Yalnız yaşıl soğan istisna olaraq soyuducuda bir həftəyə qədər saxlanıla bilər.
İzmedia.az
