ABŞ prezidenti Donald Tramp bəzi məsələlərdə fikir ayrılıqlarına baxmayaraq, İsrailin baş naziri Binyamin Netanyahuya dəstəyini dayandırmadığına əminlik bildirib.
“Xeyr, qətiyyən yox. O və mən bir-birimizi çox yaxşı başa düşürük”, – deyə Amerika lideri radio aparıcısı Hyu Hevitlə müsahibəsində Netanyahunu artıq dəstəkləməmək qərarına gəldiyi barədə mediada yayılan xəbərləri şərh edərkən bildirib. “Bəzən onunla razılaşmıram. Və bunu açıq şəkildə deyirəm. Və haqlı olduğumu ortaya qoyuram”, – deyə Tramp Netanyahunu nəzərdə tutaraq əlavə edib.
ABŞ lideri vurğulayıb ki, “O, müharibə dövrünün baş naziridir. O, yaxşı iş görür”. Tramp hesab edir ki, əgər o və ya Netanyahu vəzifəyə gəlməsəydi, İranın hərəkətləri səbəbindən “İsrail bu gün mövcud olmazdı”.
İzmedia.az
