Milli Meteorologiya Xidməti cümə axşamı xəbərdarlıq edib ki, ABŞ yaxın günlərdə meşə yanğınlarından qaynaqlanan duman, eləcə də güclü yağışlar və həddindən artıq istilər səbəbindən daşqın təhlükəsi ilə üzləşə bilər.
Xəbərdarlıqda deyilir: “Meşə yanğınları ilə əlaqəli duman Böyük Göllərə və ABŞ-ın şimal-qərbinin böyük hissəsinə təsir göstərir. Hava keyfiyyəti ilə bağlı xəbərdarlıqlar qüvvədədir”.
Oxşar xəbərdarlıqlar Orta Qərbin bəzi yerləri üçün də edilib.
Xəbərdarlıqda deyilir ki, “Şimal düzənliklərində və Orta Qərbdə, şimal Orta Atlantik əyalətlərinə qədər uzanan anormal istilik və rütubət müşahidə olunur”.
Digər tərəfdən, Texaslılar daşqınlara səbəb ola biləcək güclü yağışlarla üzləşəcəklər.
Xəbərdarlıqda deyilir: “Texasın cənub və mərkəzi hissəsində ən azı cümə gününə qədər həyati təhlükə yaradan genişmiqyaslı daşqınlar gözlənilir”.
İzmedia.az
