Ümumdünya Səhiyyə Təşkilatının Avropa Regional Ofisinin direktoru Hans Kluge TASS-a bildirib ki, Avropa ölkələri səhiyyə sistemlərini pandemiyalar üçün olduğu kimi, həddindən artıq isti dövrlərə də ciddi şəkildə hazırlamalıdırlar.
“Xəstəxana hazırlığına pandemiya hazırlığı qədər ciddi yanaşmaq lazımdır: həddindən artıq qızmış palatalar, həddindən artıq işləyən işçi heyəti və sıradan çıxan soyutma və informasiya sistemləri 21-ci əsrin Avropa yayı şəraitində qəbuledilməzdir”, – deyə o bildirib.
Ekspert qeyd edib ki, “Bu yayın dərsləri konkret və praktikdir. Erkən xəbərdarlıq sistemləri yalnız əhali üçün tövsiyələr deyil, həm də qətiyyətli ictimai səhiyyə tədbirləri ilə avtomatik olaraq yerinə yetirildikdə həyatları xilas edir”. O, ən həssas vətəndaşların sağlamlıq yoxlamalarının aparılması, ictimai yerlərin soyudulması və açıq havada işləyən insanların iş qrafiklərinin tənzimlənməsi kimi tədbirləri misal gətirib.
Təşkilatın altı bölgəsindən biri olan ÜST-ün Avropa Regionu, Rusiya, Türkiyə, Qafqaz, Qazaxıstan, Qırğızıstan və Tacikistan da daxil olmaqla, Avropa və Orta Asiyanın 53 ölkəsini birləşdirir.
İzmedia.az
