ABŞ Mərkəzi Komandanlığının (CENTCOM) məlumatına görə, ABŞ və Səudiyyə Ərəbistanı hərbi qüvvələri İraqda İranla əlaqəli qruplara zərbələr endirib.
CENTCOM-un X sosial şəbəkə səhifəsindəki açıqlamasında deyilir: “ABŞ Mərkəzi Komandanlığı və Səudiyyə Ərəbistanı Silahlı Qüvvələri 28 iyulda İraqda İslam İnqilabı Keşikçiləri Korpusunun (İİKK) ABŞ qüvvələrinə və Səudiyyə Ərəbistanının enerji infrastrukturuna hücum etmək üçün göstəriş verdiyi İranla əlaqəli terrorçulara qarşı dəqiq zərbələr endirib”.
Bəyanatda əlavə edilib ki, “ABŞ və Səudiyyə Ərəbistanı qırıcı təyyarələri son 72 saat ərzində İraqın şərqindəki bir çox terrorçu lojistik və silah obyektlərinə zərbələr endirib. Bu, İİKK-nın rəhbərliyi altında həyata keçirilən 30-dan çox hava hücumuna güclü cavabdır”.
Səudiyyə Ərəbistanı Müdafiə Nazirliyinin sözçüsü Turki əl-Maliki daha əvvəl ölkəsinin hava hücumundan müdafiə sistemlərinin İraq ərazisindən atılan bir neçə PUA-nı ələ keçirdiyini bildirmişdi.
İranın dövlət televiziya və radiosu IRIB bir müddət əvvəl hərbi dairələrdəki mənbəyə istinadən bildirib ki, İran Səudiyyə Ərəbistanına digər ölkələrin ərazilərindən hücum edilməsi ilə bağlı məlumatı təkzib edib.
İzmedia.az
