Rusiyanın cənubundakı Taqanroq şəhərində raket qalıqlarının çoxmənzilli binaya düşməsi nəticəsində bir qadın ölüb, bir kişi yaralanıb. Bu barədə regionun qubernatoru Yuri Slyusar bildirib.
“Taqanroq şəhərinə hava hücumu nəticəsində itkilər olub. Yaşayış binasına düşən raket qalıqları nəticəsində bir qadın ölüb, bir kişi yaralanıb”, – deyə o, Telegram kanalında yazıb.
Qubernator həmçinin bildirib ki, “zədələnmiş evin sakinləri təxliyə olunur və müvəqqəti yaşayış yeri yerləşdirilib”.
Slyusar yaralı şəxsin lazımi tibbi yardım aldığını qeyd edib. Qubernator həmçinin mərhumun ailəsinə və dostlarına başsağlığı verib.
İzmedia.az
