ABŞ Maliyyə Naziri Skott Bessent Vaşinqtonun İrana qarşı müharibədə “son mərhələyə” (“endgame”) qədəm qoyduğunu və ölkəyə qarşı genişmiqyaslı “İqtisadi D-Günü” (“Economic D-Day”) əməliyyatına başlanıldığını elan edib.
Bessent Prezident Donald Trampın rəhbərliyi altında İranın hərbi infrastrukturuna və nüvə proqramına ağır zərbələr endirildiyini qeyd edərək, indi əsas hədəfin Tehranı iqtisadi baxımdan tam təcrid etmək olduğunu bildirib:
-
Hərbi və nüvə imkanlarının sıradan çıxarılması: İddia olunur ki, İranın hərbi istehsal obyektlərinin demək olar ki, 100%-i məhv edilib və nüvə proqramı dayandırılıb.
-
Tam iqtisadi təcrid: Tehranın maliyyə dayaqlarını tam kəsmək üçün bütün dövlət qurumları və beynəlxalq təzyiq alətləri işə salınır.
-
Xarici tərəfdaşlara xəbərdarlıq: Vaşinqton İrana kömək edən, onun neftini alan və ya finans kanalları təmin edən istənilən üçüncü ölkə və şirkətlərin də eyni iqtisadi sanksiyalarla üzləşəcəyini bəyan edib.
Maliyyə Nazirinin sözlərinə görə, məqsəd tiran rejimini dəstəkləyən bütün iqtisadi damarları kəsmək və Tehranı dünyadan tamamilə təcrid etməkdir.
İzmedia.az
