ABŞ Prezidenti Donald Tramp Avqustun 31-də Ağ Evdə jurnalistlərin suallarını cavablandırarkən İrana qarşı nüvə silahından istifadə edilməsi ehtimalını tamamilə istisna edib.
Müxbirin “İrana qarşı nüvə silahından istifadə ehtimalını istisna etmisinizmi?” sualına cavab verən Amerika lideri bu addıma heç bir ehtiyac olmadığını vurğulayıb: “İran hərbi baxımdan artıq tamamilə məğlub edilib. Məğlub olmuş bir ölkəyə qarşı indi də nüvə silahı tətbiq etməliyəm? Bu, çox absurd bir sualdır. Belə bir addım üçün heç bir strateji və ya taktiki əsas yoxdur”.
Eyni zamanda, Donald Tramp Birləşmiş Ştatların İran ərazisindəki hərbi hədəflərə adət olunmuş zərbələrini davam etdirə biləcəyini istisna etməyib. O, İranın dərin iqtisadi və hərbi tənəzzül dövrünü yaşadığını bildirib: “Onlarda inflyasiya pik həddədir, valyutaları yoxdur, rəhbər şəxslərinin çoxu məhv edilib, hərbi dəniz və hava qüvvələri faktiki olaraq fəaliyyətini dayandırıb”.
ABŞ prezidenti bir daha bəyan edib ki, Vaşinqtonun əsas məqsədi Tehranın nüvə silahına yiyələnməsinin qarşısını almaqdır və İran heç vaxt nüvə dövlətinə çevrilməyəcək.
İzmedia.az
