İordaniyanın Aqaba şəhərində ammonyak sızmasından 11 nəfər zəhərlənib. Bu barədə Aqaba Xüsusi İqtisadi Zonası İdarəsinin Ətraf Mühit və İctimai Təhlükəsizlik üzrə komissarı Nidal Əl-Əvran bildirib.
Onun sözlərinə görə, sızma köhnə nasoslardan və ya kompressorlardan birinin texniki xidməti zamanı baş verib və orada ammonyak yığılıb. Təmir işləri zamanı az miqdarda qaz ayrılıb.
11 nəfərdə yüngül və orta dərəcəli nəfəs darlığı simptomları inkişaf edib. Yaralıların bəziləri sənaye kompleksinin klinikasında tibbi yardım alır, digərləri isə xəstəxanaya aparılıb.
Hadisə yerində mülki müdafiə və təhlükəsizlik xidmətləri işləyir. Sızma aradan qaldırılıb və vəziyyət tam nəzarət altındadır.
Təhlükəsizlik səbəbi ilə işçilər təxliyə edilib. Təhlükənin olmadığını təsdiqləyəcək əlavə yoxlama və ölçmələrdən sonra onlar işə qayıdacaqlar.
İzmedia.az
