İsveç Baş naziri Ulf Kristerssonun yaxın dostu və ölkənin ilk milli təhlükəsizlik müşaviri olmuş Henrik Landerholmun işi üzrə Apellyasiya Məhkəməsinin dinləmələri yaxınlaşır. Landerholm otel otağındakı açıq seyfdə gizli sənədləri unutduqdan sonra qalmaqal yaşanmış və o, vəzifəsindən istefa verməli olmuşdu. Qalmaqala səbəb olan sənədlər hələ də tapılmayıb və İsveç Təhlükəsizlik Xidməti (SÄPO) onların məzmununu yalnız sonradan bərpa edə bilib.
2025-ci ilin martında istintaq davam edərkən Landerholmun Mötədil Partiyanın parlament ofisində qısamüddətli işə götürülməsi yeni narazılıq dalğası yaradıb. Hökumət idarələri bu addımı etibarın pozulması kimi dəyərləndirdikdən sonra o, partiya ofisindən də kənarlaşdırılıb.
Qalmaqallar bununla bitməyib: Landerholmun xələfi də internetdəki “uyğunsuz fotoşəkilləri” səbəbindən işdən çıxarılıb və hazırda hökumətdə artıq üçüncü təhlükəsizlik müşaviri çalışır. Müxalifətdə olan Sosial Demokratların lideri Maqdalena Andersson isə hakimiyyətə gələcəkləri təqdirdə bu postu ləğv edəcəklərini açıqlayıb.
İzmedia.az
