Taylandın Praçinburi əyalətində yerləşən “Wat Pho Thong” məbədində suyun səviyyəsinin kəskin qalxması səbəbindən 400 kiloqramdan ağır olan nəhəng timsah təhlükəsiz əraziyə təxliyə olunub.
Yerli hakimiyyət orqanları, könüllülər və Balıqçılıq Departamentinin birgə əməliyyatı ilə 27 yaşlı və 4 metrlik sürünən iplərlə bağlanaraq kran vasitəsilə yük maşınına qaldırılıb. Məbəd rahibləri 1,3 metrə çatan suyun heyvanın çəpərini aşaraq çaya qaçmasından ehtiyat edirdilər. Timsah məbəddən 20 kilometr aralıdakı müvəqqəti sığınacağa aparılıb.
Son günlər ölkədə tüğyan edən şiddətli leysan yağışları paytaxt Banqkok və ətraf əyalətlərdə 52 mindən çox ev təsərrüfatına ziyan vurub. Yaranmış fəsadlar səbəbindən hökumət paytaxt və qonşu bölgələrdə iki günlük tətil elan edib, məktəblərin fəaliyyətini dayandırıb.
İzmedia.az
