Böyük Britaniya hüquq-mühafizə orqanları RAF “Fairford” hərbi hava bazasına qarşı terakt hazırlamaqda şübhəli bilinərək həbs edilmiş 22 yaşlı Britaniya vətəndaşının girov müqabilində azadlığa buraxıldığını bəyan edib. İstintaq çərçivəsində indiyədək saxlanılan ümumilikdə 7 nəfərin hamısı zaminə buraxılıb və onlara qarşı hələlik rəsmi ittiham irəli sürülməyib.
ABŞ Silahlı Qüvvələri tərəfindən Yaxın Şərqdəki əməliyyatlara və İrana qarşı cavab zərbələrinə dəstək məqsədilə istifadə olunan bazada təhlükəsizlik risklərinin artması Vaşinqtonun strateji addımlar atmasına səbəb olub. ABŞ Prezidenti Donald Tramp bazaya yönələn potensial təhdidlər səbəbindən “B-1” və “B-52” strateji bombardmançı təyyarələrinin nəzarət məqsədilə yerinin dəyişdirilərək bazadan çıxarıldığını təsdiqləyib. Britaniya tərəfi insidentin Tehranla əlaqəli ola biləcəyini istisna etməsə də, rəsmi istintaq tədbirləri davam etdirilir.
İzmedia.az
