TRT Haber telekanalının məlumatına görə, İstanbulun Maltepe rayonunun Cevizli məhəlləsində 7 mərtəbəli yaşayış binasının altdakı 3 mərtəbəsinin qəfil çökməsi nəticəsində həyatını itirənlərin sayısı 5 nəfərə yüksəlib. Dağıntılar altından müxtəlif dərəcəli bədən xəsarətləri ilə ümumilikdə 10 sakin xilas edilərək xəstəxanalara yerləşdirilib.
Fəlakətin ilk anlarından etibarən Türkiyə Fövqəladə Hallar Agentliyinin (AFAD), itfayə və tibb xidmətlərinin 770-dən çox heyəti, xüsusi təlim görmüş axtarış itləri və ağır texnikası əraziyə cəlb olunub. Son sakinin də cansız bədəninin çıxarılması ilə axtarış-xilasetmə mərhələsi rəsmən başa çatıb. Qonşu binalar təhlükəsizlik məqsədilə təxliyə edilib. Hadisə ilə bağlı başlanan məhkəmə-istintaq tədbirləri çərçivəsində binanın mimarı və şantiye rəhbəri gözaltına alınıb, ərazidəki təhlükəsizlik kameralarının qeydləri və binanın qanunsuz mərtəbələri haqqında iddialar araşdırılır.
İzmedia.az
