Avropa İttifaqının Xarici İşlər və Təhlükəsizlik Siyasəti üzrə Ali Nümayəndəsi Kaia Kallas oktyabrın 12-də verdiyi bəyanatda hərbi əməliyyatların davam etdiyi bir şəraitdə Ukraynada demokratik seçkilərin keçirilməsinin imkansız olduğunu bildirib. “Yevropeyska Pravda” nəşrinə müsahibəsində diplomat vurğulayıb ki, beynəlxalq ictimaiyyət diqqətini seçki təzyiqlərinə deyil, müharibənin dayandırılması üçün Rusiyaya təzyiqlərin artırılmasına yönəltməlidir.
Kallas qeyd edib ki, Ukrayna Prezidenti Volodimir Zelenski hərbi əməliyyatların və ya atəşkəsin təmin olunacağı təqdirdə seçki prosesinə başlamağa hazır olduğunu artıq bəyan edib. Aİ-nin xarici siyasət idarəsinin rəhbəri əlavə edib ki, müharibə şəraitində seçki keçirmək əvəzinə, müttəfiqlər Moskvanı təcavüzü dayandırmağa məcbur etməlidirlər. Yalnız bu halda Ukrayna ərazisində təhlükəsiz, şəffaf və konstitusiyaya uyğun seçki prosesinin təşkili mümkün ola bilər.
İzmedia.az
