Rusiya Prezidentinin xarici ölkələrlə investisiya və iqtisadi əməkdaşlıq üzrə xüsusi nümayəndəsi, Rusiya Birbaşa İnvestisiya Fondunun (RDIF) baş icraçı direktoru Kirill Dmitriyev Avropada enerji sektorunun çöküşü və iflas dövrünün başlaya biləcəyini proqnozlaşdırıb.
Dmitriyev X sosial şəbəkəsində yazıb:
“Bu, yeni bir dövrün başlanğıcıdır – Ursula fon der Leyen, Kaya Kallas və digər rusofobların qərarları üzündən Avropa enerji sahəsində tam çöküş və iflas yaşayacaq. Rusiya enerjisindən imtina edərək, AB özünü bir neçə dəfə vurub və ayaq qalmayıb”.
Yanvarın sonunda Avropa İttifaqı (Aİ) Şurası Rusiya mayeləşdirilmiş təbii qazının idxalına 1 yanvar 2027-ci ildən, boru kəməri qazının idxalına isə 30 sentyabr 2027-ci ildən etibarən qadağa qoyub. Məhdudiyyətlərin daha tez tətbiqi də planlaşdırılır: qısamüddətli müqavilələr çərçivəsində mayeləşdirilmiş təbii qazın idxalı 25 aprel 2026-cı ildən dayandırılacaq, qısamüddətli boru kəməri qaz təchizatı müqavilələri isə 17 iyun 2026-cı ilədək yekunlaşdırılmalıdır.
Prezident Vladimir Putin martın 4-də bildirib ki, Avropa Birliyinin Rusiya qazından tamamilə imtina etmə niyyətini nəzərə alaraq, Moskva Avropa bazarından vaxtından əvvəl çıxa və tədarükünü daha maraqlı alıcılara yönəldə bilər.
İzmedia.az
