Zaporojye Atom Elektrik Stansiyasının mətbuat xidmətindən verilən məlumata görə, stansiyanın xarici enerji təchizatı kəsilib və ehtiyat dizel generatorları standart prosedura uyğun olaraq işə salınıb.
Mətbuat xidmətinin Max kanalında yayımladığı açıqlamada bildirilir: “Zaporojye AES-də xarici enerji təchizatı kəsilib. Vəziyyət nəzarət altındadır. Avtomatik mühafizə tədbirləri nəticəsində ‘Ferrosplavnaya-1’ kimi tanınan 330 kV-lıq yüksək gərginlikli elektrik xətti dayandırılıb. ‘Dnepropetrovskaya’ kimi tanınan 750 kV-lıq xətt isə 24 mart 2026-cı ildən etibarən istismardan çıxarılıb”.
Qeyd olunur ki, stansiya hazırda ehtiyat dizel generatorları ilə fəaliyyət göstərir. Bütün generatorlar prosedura uyğun işə salınıb və normal rejimdə işləyir.
İzmedia.az
