izmedia.az xəbər verir ki, Namibiyanın Sossusvlei bölgəsində yüngül təyyarənin qəzaya uğraması nəticəsində 3 alman turist və pilot həyatını itirib.
Yerli mətbuatın məlumatına görə, Sossusvlei bölgəsində yerləşən bir otelə uçmaq üçün paytaxt Vindhukdakı Hosea Kutako Beynəlxalq Hava Limanı yaxınlığındakı xüsusi uçuş zolağından qalxan Cessna 210 Centurion tipli təyyarə planlaşdırılan vaxtda təyinat nöqtəsinə çatmayıb.
Hava və yerüstü axtarış-xilasetmə əməliyyatlarından sonra təyyarə Namib səhrasında Sossusvlei yaxınlığında qəzaya uğramış halda tapılıb. Təyyarədə olan pilot və 3 alman vətəndaşının cansız bədənləri aşkarlanıb.
Həlak olanların kimliyi hələlik açıqlanmayıb. Namibiya Təyyarə Qəzalarını Araşdırma İdarəsi hadisənin səbəbləri ilə bağlı rəsmi istintaq başladıb.
