izmedia.az xəbər verir ki, ABŞ dövlət katibi Marko Rubio Çinə səfəri zamanı seçdiyi geyimlə diqqət mərkəzinə düşüb. O, əvvəllər saxlanılan Venesuelanın sabiq prezidenti Nikolas Maduronun geyindiyi boz rəngli “Nike Tech Fleece” idman dəstinə bənzər geyimdə Pekinə yollanıb.
Rubionun “Air Force One” təyyarəsində çəkilmiş fotosunu Ağ Evin kommunikasiya direktoru Stiven Çunq paylaşıb. Bu addım Donald Trampın Çin səfəri və Si Cinpinlə keçirəcəyi görüşlər fonunda simvolik mesaj kimi qiymətləndirilib.
Məlumata görə, həmin geyim Maduro saxlanılarkən onun üzərində olub və sonradan sosial şəbəkələrdə geniş yayılaraq meme çevrilib. Hətta geyimin satış qiyməti qısa müddətdə 180 dollardan 1000 dollara qədər yüksəlib.
Ekspertlər hesab edir ki, Rubionun bu obrazı seçməsi Vaşinqtonun Venesuela böhranına və digər “dost olmayan rejimlərə” eyhamı kimi qəbul edilə bilər. Bununla yanaşı, Ağ Ev nümayəndələri məsələni sadəcə “pop-mədəniyyətə istinad” adlandırıblar.
Qeyd edək ki, Donald Trampın 13-14 may tarixlərində Çin lideri Si Cinpinlə ticarət rüsumları, Tayvan məsələsi və qlobal təhlükəsizlik mövzularını müzakirə etməsi planlaşdırılır.
Bu arada Venesuelada vəziyyət gərgin olaraq qalır. Müxalifət Maduronun azad edilməsini tələb edir, hökumət isə ABŞ-ı dövlət çevrilişi təşkil etməkdə ittiham edir.
